बुटवल । मानव बस्तीको नजिकै खेत खलियानमा आगजनी गर्ने ५ जनालाई रुपन्देही प्रहरीले पक्राउ गरेको छ । रुपन्देहीको लुम्बिनी साँस्कृतिक नगरपालिकाको बिभिन्न वडा ईलाकामा सर्वसाधारणको स्वास्थ्यमा प्रतिकूल असर पर्ने गरी आगो लगाई धुंवा उत्सर्जन गरेर वातावरण प्रदुषित गर्ने ५ जनालाई प्रहरीले पक्राउ गरेको हो ।
मानवबस्ती नजिकै खेतको परालमा आगो लगाई आगजनीको गम्भीर जोखिम बढाई उत्श्रृंखल कार्य गर्नेहरुलाई पक्राउ गरिएको रुपन्देही प्रहरी प्रवक्ता डीएसपी कृष्णकुमार चन्दले बताए ।
पक्राउ पर्नेहरुमा रुपन्देही लुम्बिनी साँस्कृतिक नगरपालिका वडा नं. ३पडरियाका ३५ वर्षिय इमताज अहमद, वडा नं. ६ पर्साका २५ वर्षिय मोहमद इर्फान फकिर, वडा नं. ८ एकलाका ५० वर्षिय राधेश्याम यादव, वडा नं. ६ तर्कुल्लाहका ४३ का राजेश गुप्ता र वडा नं. ३ पडरियाका ३४ वर्षिय रमेश चमार रहेका छन् ।
पक्राउ गरिएका ब्यक्तिहरुमाथि आगजनीका सम्बन्धमा थप अनुसन्धान कार्य जारी रहेको डीएसपी चन्दले बताए । प्रहरीले प्रचलित कानून बमोजिम वातावरण प्रदुषित गरी धनजनको क्षति हुने आगजनी जस्ता दण्डनीयकार्य नगर्न नगराउन सूचना समेत गरेको छ ।
















प्रतिक्रिया