बुटवल । सिद्धार्थ राजमार्ग अन्तर्गत बुटवल–पाल्पा सडकखण्डमा भाद्र मसान्त सम्मका लागि टिप्पर चलाउन रोक लगाइएको छ ।
सडक डिभिजन कार्यालय पाल्पाले एक सूचना जारी गर्दै भदौ मसान्तसम्म तीन महिनाका लागि सिद्धार्थ राजमार्गको तानसेन(बुटवल सडक खण्डमा टिपर सञ्चालनमा रोक लगाएको हो ।
सडक डिभिजन कार्यालय पाल्पाले जिल्ला प्रशासन कार्यालय पाल्पालाई पत्राचार गर्दै ३ महिनाका लागि ठूला मालबाहक टिप्पर रोक लगाउने व्यवस्था गरिदिन आग्रह गरेको छ ।
सडक डिभिजन कार्यालय पाल्पाका डिभिजन प्रमुख रामेश्वर लम्सालका अनुसार सिद्धार्थ राजमार्गको सिद्धबाबा दोभान क्षेत्रमा हालै कालोपत्रेको काम भएको र वर्षातको समयमा ठूला मालवाहक सवारी सञ्चालन हुँदा कालोपत्रेको पटहोल निस्कन गई सडक जीर्ण बन्ने हुँदा ठूला सवारी सञ्चालनलमा रोक लगाइएको हो ।
सो सडक खण्डमा टिप्परकै कारण सडक जिर्ण हुनुका साथै अत्याधिक दुर्घटना पनि बढी हुने गरेको थियो ।
प्रतिक्रिया