काठमाडौं । नेपाल नागरिक उड्डयन प्राधिकरण र वायुसेवा सञ्चालक संघबीच सहमति भएको छ।
गएराति भएको वार्तामा प्राधिकरण र संघबीच सहमति भएको हो । यो सहमितसँगै आज आन्तरिक उडान नियमित सञ्चालन हुने भएका छन् ।
संघले मंगलबार पत्रकार सम्मेलन गरी आजदेखि आन्तरिक उडान ठप्प पार्ने घोषणा गरेको थियो । त्यसपछि राति नै प्राधिकरण र संघबीच वार्ता भएको हो ।
प्राधिकरणले संघका जायज माग सम्बोधन गर्ने सहमति गरेपछि संघले पनि आन्दोलनका कार्यक्रम फिर्ता लिएको हो । वायुसेवा सञ्चालक संघका प्रवक्ता योगराज शर्मा कँडेलले आन्तरिक उडान नियमित सञ्चालन गर्ने र वार्तालाई पनि निरन्तरता दिने सहमति भएको बताए ।
दुवै पक्षबीच आज पनि छलफल हुने भएको छ । आज मध्याह्न १२ बजे प्राधिकरणको केन्द्रीय कार्यालयमा छलफल हुने भएको छ ।
प्रतिक्रिया