रौतहट । पश्चिम बांकेमा क्वारेन्टाईनबाट भगाउने र एम्बुलेन्स र सुरक्षाकर्मीलाई छेक्न रोक्न खोजेको घटना सेलाउन नपाउंदै पुर्व रौतहटमा पनि संक्रमितलाई आइसोलेसनमा लैजान रोक लगाउन खोजेकाछन् ।
संक्रमण पुष्टी भएकालाई आइसोलेसनमा लैजान खोज्दा स्थानीयले अवरोध गर्न खोजेपछि रौतहटको इशनाथ नगरपालिकामा तनाव भएको छ । कोरोना भाइरस संक्रमितलाई आइसोलेसनमा लैजानका लागि पुगेको प्रहरी र स्वास्थ्यकर्मीलाई स्थानीयले रोक्न खोजेपछि त्यहां तनाव भएको हो । स्थानीयको अवरोध हटाउन प्रहरीले प्रहरीले १२ राउण्ड हवाई फायर गरेको छ ।
इशनाथ नगरपालिका–७ को जोकाहास्थित अनवारुल इस्लामिक मदरसाको क्वारेन्टाइनमा राखिएका २ व्यक्तिलाई आइसोलेसनमा लैजाने क्रममा स्थानीयले अवरोध भएपछि शुक्रबार बिहान तनाव भएको हो ।
दुई संक्रमितलाई अर्को स्थानमा रहेको आइसोलेसनमा लैजान पुगेका चिकित्सक र सुरक्षाकर्मीलाई स्थानीयले त्यहीँ राख्न माग गर्दै अवरोध गरेपछि तनाव भएको प्रहरीले जनाएको छ ।
आक्रोसित स्थानीयले प्रहरीको गाडीमा तोडफोड गरेका छन् । प्रहरी र स्वास्थ्यकर्मीमाथि स्थानीयले आक्रमण गरेपछि जिल्ला प्रहरी कार्यालय, रौतहटले थप प्रहरी पठाएको थियो । स्वास्थ्यकर्मी र सुरक्षाकर्मीको सहयोगका लागि थप प्रहरी घटनास्थल पुगेका थिए । प्रहरीले अवस्थालाई काबुमा राख्न झण्डै १ दर्जन हवाई फायर गरेको थियो ।
प्रतिक्रिया