काठमाडौं । नवरात्रको पहिलो दिन सोमबार घटस्थापनाको अवसरमा काठमाडौंको बसन्तपुरस्थित दसैंघरमा जमरा राखिएको छ ।
बिहान १० बजेर २३ मिनेटको शुभसाइतमा हनुमानढोकास्थित दसै्रघरमा जमरा राखिएको हो । त्यसअवसरमा नेपाली सेनाले मंगलधुन बजाएर बढाईं गरेको थियो।
परम्पराअनुसार दसैं घरमा आजैदेखि वैदिक विधिअनुसार जमरा राखेपछि शक्तिस्वरुपा दुर्गा देवीको पूजा आराधना सुरु हुन्छ ।
दसैंघरमा घटस्थापनापछि दैनिक बलि दिई विधिपूर्वक पूजा आराधना गरिन्छ । यस वर्ष पनि महानवमीका दिन हनुमानढोकाको कोतमा ५४ बोका र ५४ राँगासहितको बलि दिइन्छ ।
विसं २०७७ को महानवमीका दिन कोरोना महामारीका कारण महानवमीका दिन हनुमानढोकाको कोतमा ५४ बोका र ५४ राँगाको बलि दिइएको थिएन । हनुमानढोकाको दसैं घरमा नवरात्रभर विधिपूर्वक पूजा आराधना गरिनुका साथै मङ्गल धुन पनि गाइन्छ ।
यो क्रम विजयादशमीका दिनसम्म जारी रहन्छ ।
घटस्थापनाको दिन घरघरमा दसैंको जमरा राखिन्छ ।
प्रतिक्रिया