काठमाडौं । नेकपा एकीकृत समाजवादीका उम्मेदवारको पनि टुंगो लगाएको छ । शुक्रबार राति सत्ता गठबन्धनसँग सिट बाँडफाँटको टुंगो लागेसँगै नेकपा एसले पनि उम्मेदावरको टुंगो लगाएको हो ।
निवर्तमान सांसद र पार्टीका प्रभावशाली नेताहरुको निर्वाचन क्षेत्र हेरेरै एकीकृत समाजवादीले गठबन्धनबाट सिट संख्या लिएको थियो । पार्टी प्रवक्ता जगनाथ खतिवडाले सिट बाँडफाँटसँगै उम्मेदवार पनि टुंगो लागेको बताए ।
एकीकृत समाजवादीले पाएको भागबण्डाबाट झलनाथ खनाल इलाम-१, माधवकुमार नेपाल रौतहट-१, जगनाथ खतिवडा उदयपुर-२, कृष्ण कुमार श्रेष्ठ (किसान) बारा-४, जीवनराम श्रेष्ठ काठमाडौं-८ का उम्मेदवार हुनेछन् ।
यसैगरी कृष्णलाल महर्जन ललितपुर-२, राजेन्द्र पाण्डे धादिङ-१, विरोध खतिवडा मकवानपुर-२, श्रीनाथ बराल कास्की-२, रामकुमारी झाँक्री गुल्मी-२, सोमप्रसाद पाण्डे पाल्पा-२, राजु गुरुङ रुपन्देही-२ र मेटमणी चौधरी दाङ-१ बाट उम्मेदवार बन्ने छन् ।
प्रकाश ज्वाला सल्यान, धनबहादुर बुढा डोल्पा, अम्बर थापा दैलेख-१, शेरबहादुर कुँवर अछाम-१, भानुभक्त जोशी बझाङ र प्रेम आले डोटीका उम्मेदवार हुने एकीकृत समाजवादीले जनाएको छ ।
प्रतिक्रिया