बुटवल । लुम्बिनी प्रदेशको मुकाम राजधानी बुटवलमा लुम्बिनी प्रदेशको सुरक्षा बैठक शुरु भएको छ । प्रतिनिधि तथा प्रदेशसभा निर्वाचन लक्षित सुरक्षा बैठकको संघीय सरकारका गृहमन्त्री बालकृष्ण खाणले उदघाटन गरे ।
बैठकमा मुलुकको ४ वटै अङ्गका सुरक्षा प्रमुख सहित प्रदेशका १२ जिल्लाका प्रमुख जिल्ला अधिकारी नेपाली सेना, शसस्त्र, नेपाल प्रहरी र राष्ट्रिय अनुसन्धानका अधिकारीहरु सहभागी रहेका छन् । बैठकले जिल्ला स्थित सुरक्षा समितिले तयार गरेको रणनीतिमाथि छलफल हुने र गृह प्रशासनले तयार गरेको सुरक्षा रणनीतिका बारेमा बिभागीय प्रमुखहरुले निर्देशन दिने कार्यक्रम रहेको छ ।
आन्तररिक मामिला, कानुन तथा सञ्चार मन्त्रालयको संयोजनमा जारी बैठकमा मन्त्रालयका सचिव कोमलप्रसाद धमलाले प्रदेशको सुरक्षा अवस्थाका बारेमा रिपोर्टीङ गरेका छन् ।
कार्यक्रममा स्वागत मन्तब्य राख्दै गृहमन्त्रालयका प्रवक्ता फणिन्द्रमणी पोखरेलले सुरक्षा व्यवस्था चुस्त बनाउन अहिलेपनि साधन र स्रोतका अभाव रहेको बताएका थिए । उनले देशभरी उपलब्ध साधन स्रोतको अधिकतम परिचालन गरि सुरक्षा रणनीति तयार गरिएको पनि जनाएका थिए । बैठक जारी छ ।
प्रतिक्रिया