बुटवल । क्रिकेटर शक्ति गौचनको स्टार क्रिकेट एकेडेमीले बुधबारदेखि रुपन्देहीमा जुनियर स्टार क्रिकेट लिग २०७९ गर्ने भएका छन । गौचनले मंगलबार बुटवलमा पत्रकार सम्मेलन गरि प्रतियोगिताको तयारी पुरा भएको बताए ।
देवदहस्थित क्रिकेट मैदानमा हुने कारोलिनास रुपन्देही जुनियर स्टार क्रिकेट लिग २०७९ मा ६ टिमले प्रतिस्प्रर्धा गर्ने उनले बताए । रुपन्देही क्रिकेट खेलको उवर्भरभुमी भएको दाबी गर्दै उनले लामोसमयको तयारी गरि खेलाडी छनौट पुरा गरि टिम तयार गरेको बताए ।
मदन भण्डारी स्पोर्टस एकेडेमीबाट प्रतियोगिताको पुरस्कार तथा स्थानिय विद्यालयहरुबाट खेलाडीको ड्रेस सहयोग भएको उनले जानकारी दिए । स्थानिय पालिकाहरुबाट प्रत्येक टिमको २० खेलाडीहरु छनौट गरेको उनले बताए ।
४० ओभरको खेलमा खेलाडीहरु आफनो ब्याटिङ र बलिङको प्रर्दशन गर्ने राम्रो अवसर पाउने बताउँदै उनले प्रतियोगिताको उपाधि विजेता टिमले नगद २० हजार रुपैया, कप, मेडल,प्रमाणपत्र तथा उपविजेता टिमले नगद १० हजार रुपैया कप, मेडल, प्रमाणपत्रबाट पुरस्कृत गरिने बताए ।
यसैगरि विधागत रुपमा उत्कृष्ट खेलाडीहरुलाई समेत पुरस्कृत गरिने उनले बताए । प्रतियोगितामा सिद्धार्थनगर वरियर्स, ओमसतिया स्टार्स, तिलोत्तमा टाईटन्स, बुटवल युनाईटेड, देवदह ड्रागन र जिबिआईसिए सैनामैना गरि ६ टिमहरु बिचमा खेल हुनेछ । बुधबार उद्घाटन खेलमा देवदह ड्रागन र जिबिआईसिए सैनामैना खेल्ने छन । प्रतियोगिताको अनुमानित खर्च ५ लाख रुपैया रहेको उनले बताए ।
प्रतिक्रिया