काठमाडौं । संसदका महासचिवले निलम्बित प्रधानन्यायाधीश चोलेन्द्र शमशेर जबरालाई क्लिन चिट दिएपछि उनको सर्वोच्च जाने तयारी रोक्न नेपाल बार एसोसिएसनले धर्ना सुरु गरेको छ ।
संसद्का महासचिवले जबरालाई महाभियोग निष्क्रिय भएको पत्र पठाएपछि उनी सर्वोच्च फर्किने तयारीमा रहेका छन् । पत्र सार्वजनिक भए लगत्तै बारको आकस्मिक बैठक बसेर जबरालाई सर्वोच्च छिर्न नदिने निर्णय गरेको थियो ।
बारले महाभियोग निष्क्रिय पार्ने संसदका महासचिवको निर्णय गैकानुनी भएको निष्कर्ष निकालेको छ । महासचिवलाई महाअभियोग निस्क्रिय बनाउने अधिकार नभएको बारको ठहर छ ।
क्लिनचिटको पत्र बोकेर नियमित कामकाजमा फर्किने तयारी गरेका जबरालाई रोक्नका लागि अहिले सर्वोच्च परिसरमा वकिलहरु भेला भैरहेका छन् । उनीहरुले सर्वोच्चको गेटमा धर्ना दिएका छन् ।
प्रतिक्रिया