काठमाडौं । पछिल्लो २४ घण्टामा कोरोना भाइरसका ४२५ संक्रमित थपिएका छन् । जसमध्ये ३७५ पुरुष र ५० महिला रहेका छन् ।
स्वास्थ्य तथा जनसंख्यामन्त्रालयले आयोजना गरेको नियमित पत्रकार सम्मेलनमा दिइएको जानकारी अनुसार हालसम्म कोरोना संक्रमितको संख्या ५७६० पुगेको छ । यसमध्ये ५३२४ पुरुष र ४३६ महिला रहेका छन् ।
विराटनगरस्थित प्रादेशिक जनस्वास्थ्य प्रयोगशालामा गरिएको परीक्षणमा मोरङ, सुनसरी र झापाका २७ जना संक्रमित थपिएकाछन् । कोशी अस्पतालको प्रयोगशालामा गरिएको परीक्षणमा सप्तरीका १० जना संक्रमित थपिएका छन् । यस्तै, नारायण अस्पतालको प्रयोगशालामा गरिएको परीक्षणबाट पर्साका १७ जना, बाराका ९ जना सर्लाहीका १ जना र रौतहटका ७ जनालाई कोरोना संक्रमण भएको पुष्टि भएको छ ।
पोखरास्थित गण्डकी प्रादेशिक अस्पतालमा गरिएको परीक्षणबाट नवलपरासी सुस्ता पूर्वका २ जनामा संक्रमण पुष्टि भएको छ भने सेती अस्पताल धनगढीमा गरिएको परीषणमा ६४ जनामा कोरोना देखिएको छ ।
यस्तै भेरी अस्पतालमा भएको परीक्षणमा ७ जनामा कोरोना देखिएको छ भने राप्ती स्वास्थ्य विज्ञान प्रतिष्ठानको प्रयोगशालामाग गरिएको परीक्ष्णमा ५६ जनालाई संक्रमण देखिएको छ ।
जनकपुरस्थित प्रादेशिक प्रयोगशालामा गरिएको परीक्षणमा रौतहका १७ र धनुषाका १ गरी १८ जनालाई कोरोना देखिएको छ ।
धुलिखेल अस्पतालको प्रयोगशालामा गरिएको परीक्षणमा रामेछापका दुई जनामा संक्रमण पुष्टि भएको छ ।
यस्तै, रुपन्देहीस्थित जनस्वास्थ्य प्रयोगशालामा गरिएको परीक्षणबाट ४७ जनमा संक्रमण पुष्टि भएको छ भने सुर्खेतस्थित प्रादेशिक प्रयोगशालाबाट ६९जनामा कोरोना संक्रमण पुष्टि भएको रिपोर्ट आएको छ ।
काठमाडौंको शुक्रराज ट्रपिकल अस्पतालको प्रयोगशालामा गरिएको परीक्षणमा २५ जनामा कोरोना संक्रमण देखिएको छ भने केन्द्रीय जनस्वास्थ्य प्रयोगशाला टेकुमा गरिएको परीक्षणमा ६२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
प्रतिक्रिया