चीनको राजधानी बेइजिङमा लगातार तेस्रो दिन पनि थपिए ३६ कोरोना संक्रमित

बेइजिङमा लगातात तेस्रो दिन पनि कोरोना भाइरसका नयाँ संक्रमित देखिएपछि चिनियाँ अधिकारीहरु चिन्तित भएका छन् ।

पछिल्लो २४ घण्टामा बेइजिङमा मात्रै ३६ नयाँ संक्रमित देखिएका छन् । जबकी देशभर ४९ संक्रमित थपिएका छन् । लगातार दोस्रो दिन रेकर्ड संख्यामा संक्रमितको मामिला आएको हो ।

एक दिन पहिला पनि यत्तिकै संख्यामा मानिसहरु कोरोना संक्रमित भएका थिए ।

अन्तराष्ट्रिय समाचार एजेन्सी एएफपीका अनुसार नयाँ संक्रमितको सम्बन्ध बेइजिङको हेडियान क्षेत्रमा रहेको एक थोक सब्जीमण्डीमा जोडिएको छ । जसका कारण यो बजार क्षेत्र र आसपासको इलाकालाई लकडाउन गरिएको छ ।

यसअघि, गत साता बेइजिङमा नयाँ संक्रमित एक ठूलो मण्डीमा देखिएको थियो । शिनफाडी नाम गरेको यस मण्डीलाई बन्द गरिएको छ । र, आसपासका हजारौं बासिन्दाको कोरोना परीक्षण गरिएको छ ।

कोरोना महामारी सबैभन्दा पहिला चीनमै देखिएपनि चीनले सबैभन्दा पहिला नियन्त्रणमा पनि लिएको थियो ।