काठमाडौं । कोभिड-१९ को विश्वव्यापी संक्रमणको कारणबाट उत्पन्न असहज परिस्थितिका कारण विदेशमा अलपत्र परेका नेपालीहरु नेपाल फर्कने क्रम जारी रहेको छ ।
आज अपरान्ह ओमानबाट १६६ जना नेपाली काठमाडौ आईपुगेकाछन् । उनीहरु ओमानबाट सलाम एयरको OV-427 नम्बरको उडानबाट काठमाडौ आईपुगेका हुन् । आज नेपाल अवतरण गर्नेहरुमा प्रदेश नं. १ का २५ जना, प्रदेश नं.२ का १० जना, बाग्मति प्रदेशका ५७ जना, गण्डकी प्रदेशका २६ जना, प्रदेश नं. ५ का ३८ जना, कर्णाली प्रदेशका ३ जना र सुदुरपश्चिम प्रदेशका ७ जना गरी जम्मा १६६ जना नेपाली नागरिकहरुको रहेका छन्।
बिदेशमा कामबाट निकालिएका वा बिबिध कारणले स्वदेश आउनु पर्ने अवस्थामा रहेका नेपाली नागरिकहरुलाई सुरक्षित साथ स्वदेश ल्याउने, क्वारेन्टाईनमा राख्ने र स्वास्थ्य परीक्षण एवं स्वास्थ्य सुरक्षा सम्बन्धी मापदण्ड पालना गराई होल्डीङ सेण्टरमा राखिएको केन्द्रिय बिपद ब्यवस्थापन केन्द्र सीसीएमसीले जानकारी दिएको छ ।
त्रिभुवन अन्तराष्ट्रिय बिमानस्थलमा अवतरण गरेसंगै उनीहरुलाई नेपाली सेनाको व्यवस्थापनमा सुरक्षित एवं व्यवस्थित ढंगले प्रदेशगत रुपमा स्थापना गरिएको होल्डीङ केन्द्रमा लगिएको थियो ।
सीसीएमसीका अनुसार उनीहरुको होल्डीङ केन्द्रमा व्यक्तिगत विवरण संकलन, स्वास्थ्य परीक्षण लगायतका आवश्यक प्रकृया पुरा गरी सम्बन्धित प्रदेशहरुको समन्वयमा स्थानीय तहले व्यवस्थापन गरेको क्वारेन्टाईनहरुमा पठाईने छ ।
प्रतिक्रिया