कपिलवस्तु कारागारको सुरक्षामा सेना परिचालन

कपिलवस्तु । कपिलवस्तु जिल्ला कारगारको बाहिरी सुरक्षाको लागी नेपाली सेना परिचालन गरिएको छ । सरकारले शसस्त्र प्रहरी बललाई सिमा सुरक्षा लगाएतको काममा खटाइने भए पछि सेना लाई कारगारको सुरक्षाको लागी खटाइएको हो ।

जिल्ला सुरक्षा समितीको निर्णय अनुसार नेपाली सेनाको नारायण दल गुल्मका ४० जना नेपाली सेना कारागारको सुरक्षामा खटिएकाछन् । नेपाली सेनाका सेनानी इश्वरी प्रसाद पाण्डेको नेतृत्वमा कारगारको सुरक्षाको लागी खटिएको कारगार का जेलर राकेश पाण्डेले बताए । यस अघि कारगारको आन्तरीक सुरक्षा नेपाल प्रहरी र वाहिरको सुरक्षा नेपाल शसस्त्र प्रहरी बल ले गर्ने गरेका थिए । दुई वटा व्लक रहेको यस कारगारमा ४२८ जना थुनुवा कैदि बन्दि रहेका छन ।