बाराको बिश्रामपुर सिमाबाट भारत निकासी हुंदै गरेको ५ लाखको छोकडा प्रहरीबाट बरामद

बारा । बाराको विश्रामपुर गाउँपालिका-४ बलिरामपुर हुँदै नेपालबाट चोरी निकासी गरी भारततर्फ लैजान लागेको अवस्थामा छोकरा प्रहरीले बरामद गरेको छ । अबैधरुपमा भारत लैजानका लागि भण्डारण गरेको करिब ५ लाख २५ हजार रुपैयाँ मूल्य पर्ने ३५ क्विन्टल छोकडा बुधबार प्रहरीले बरामद गरेको हो ।

विशेष सूचनाको आधारमा जिल्ला प्रहरी कार्यालय बाराबाट खटिएको प्रहरीले बलिरामपुर स्थित नेपाल भारत सिमाको दशगजा क्षेत्र नजिकै उक्त परिमाणको छोकडा प्रहरीले बरामद गरेको हो । प्रहरी आएको देख्नासाथ छोकडा तस्करहरु सामान छाडी फरार भएको प्रहरीले जनाएको छ ।

बरामद छोकडा आवश्यक कारवाहीको लागि मूल भन्सार कार्यालय वीरगंज पर्सा पठाइएको जिल्ला प्रहरी कार्यालय बाराले जनाएको छ ।