गुल्मीको धुर्कोटमा सवारी दुर्घटना, १ जनाको मृत्यु २ गम्भिर घाईते

गुल्मी । गुल्मीको धुर्कोटमा सवारी दुर्घटनाबाट १ जनाको ज्यान गएको छ । अर्घाखांची सुत्केरी महिला पु¥याउने क्रममा बाटोमा गाडी फंसेपछि बाटोमै सुत्केरी महिलालाई छाडेर गुल्मी फर्कदै गर्दा पुर्कोट दहको हाडहाडेमा दुर्घटनामा परेको प्रहरीले जनाएको छ ।

अर्घाखांचीको देउराली यातायात प्रा.लिको ग १ ज ३९९७ नम्बरको सवारी दुर्घटनाबाट स्थानीय तुलसीराम काउचाको मृत्यु भएको घटनास्थल पुगेका प्रहरी निरिक्षक पंकज चुंडालीले बताए । चुंडालीका अनुसार दुर्घटनामा स्थानीय प्रदिप पुन र रमेश राना गम्भिर घाईते भएको र अन्य ३ जनाको अवस्था समान्य रहेको छ । गम्भिर घाईतेलाई उपचारका लागि सन्धिखर्क पठाईएको र अन्यको स्थानीय स्वास्थ्य संस्थामा उपचार भएको प्रहरी निरिक्षक चुंडालीले बताए । मृतक र घाईते सबै गुल्मी धुर्कोट ३ सुमर भुंवरका स्थानीय बासिन्दा हुन् ।