काठमाडौं । राष्ट्रपति विद्यादेवी भण्डारी सवार भएका बेला सडक खाली गर्ने क्रममा ट्रमा सेन्टरका चिकित्सकलाई कुटपिट गर्ने प्रहरी अधिकारी निलम्बनमा परेका छन ।
सो घटनामा संलग्न भनिएका महानगरीय प्रहरी वृत्त जनसेवाका वरिष्ठ प्रहरी हवल्दार शम्भूजंग गुरुङलाई जिल्ला प्रहरी परिसर काठमाडौँले निलम्बन गरेको हो।
दुबै सदनलाई सम्बोधन गर्न संसद भवनमा राष्ट्रपति आउने क्रममा ट्राफिक व्यवस्थापनको बहानामा सडक किनारमा हिँडिरहेका ट्रमा सेण्टरका चिकित्सकहरुमाथि प्रहरीले अन्धाधुन्ध लाठी प्रहार गरेको थियो । आज बिहनैबाट आन्दोलित चिकित्सकहरुको माग सम्बोधन गर्दै वरिष्ठ प्रहरी हवल्दारलाई निलम्बन गरिएको प्रहर।ीले जनाएको छ । यद्देपी सुरक्षा र बाटो खाली गराउने नाममा प्रहरीलाई बल प्रयोग गर्न निर्देशन दिने अधिकारीले उन्मुक्ति पाएको आन्दोलनरत एक चिकित्सकले बताए ।
प्रतिक्रिया