बझाङ । बझाङमा क्वारेन्टिनमा बसेका १ पुरुषले आत्महत्या गरेका छन् ।
बझाङ जिल्लाको छबिसपाथिभेरा गाउँपालिका वडा ७ मजखोरी माविमा बनाइएको क्वारेन्टिनमा बसेका सोही वडाको बुडखोरीका ३० वर्षीय १ युवकले आत्महत्या गरेका हुन् ।
३ दिन अघि मात्र भारतको बैंग्लोरबाट पुगेर क्वारेन्टिनमा बसेका उनले गएराति झुण्डिएर आत्महत्या गरेको छबिस छबिसपाथिभेरा गाँउपालीका वडा नम्बर ७ का अध्यक्ष पदम मण्डेलले जानकारी दिनुभयो ।
‘६ गतेदेखि उनी क्वारेन्टिनमा बसिरहेका थिए । अचानक आइतबार राति झुण्डिएर आत्महत्या गरेको अवस्था भेटिएको बताउनुभयो ।
वडाध्यक्ष मण्डेलका अनुसार पीसीआर परीक्षणका लागि उनको स्वाब संकलन गर्न सदरमुकामबाट स्वास्थ्यकर्मीको टोली घटनास्थलतर्फ आइरहेको छ । आत्महत्या गरेका युवकको आरडीटीसमेत गर्न बाँकी थियो ।
ति युवक बसेको क्वारेन्टिनमा अहिले ४ जना रहेका छन् । उनीहरू फरकफरक मितिमा आएकाले अलग्गै कोठामा राखिएको छ ।
प्रतिक्रिया