काठमाडौं । नेपालको तेस्रो उपराष्ट्रपतिमा रामसहायप्रसाद यादव निर्वाचित भएका छन् ।
आज भएको निर्वाचनमा सत्ता गठबन्धनका उम्मेदवार जनता समाजवादी पार्टीका नेता रामसहायप्रसाद यादव उपराष्ट्रपतिमा निर्वाचित भएका हुन् । यादवले एमाले उपाध्यक्ष अष्टलक्ष्मी शाक्य र जनमत पार्टीकी नेता ममता झालाई पराजित गरेका छन् ।
यादवले ३० हजार ३२८ मतभार प्राप्त गरेका छन् । जसमध्ये संघीय संसद्तर्फ १४ हजार ५३६ र प्रदेशसभातर्फ १५ हजार ७९२ मतभार पाएका छन् ।
यसअघि गत मंसिरमा भएको निर्वाचनमा बारा क्षेत्र नं. २ बाट प्रतिनिधिसभामा निर्वाचित भएका यादव जसपा संसदीय दलका नेता हुन् ।
प्रतिक्रिया