सतप्रतिशत सांसदहरुबाट विश्वासको मत पाउने आशा छ : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल प्रचण्डले आफुले सबै सांसदहरुको विश्वासको ामत पाउने आशा राखेको बताएका छन् ।

आइतबार संसद भवनबाट बाहिरिने क्रममा सञ्चारकर्मीहरुले राखेको जिज्ञासाको जवाफ दिँदै प्रधानमन्त्री प्रचण्डले प्रतिनिधिसभा बैठकबाट शतप्रतिशत सांसदहरुको विश्वासको मत पाउने आशा राखेको बताएका हुन् । भोलि सोमबार दिउँसो १ बजे प्रधानमन्त्री प्रचण्डले विश्वासको मत लिने कार्यसूची रहेको छ ।

यसअघि गत पुसमा प्रचण्डले पहिले ९९ दशमलव २५ प्रतिशत सांसदहरुको विश्वासको मत पाएका थिए । उनले सोही कुरालाई स्मरण गर्दै यसपटक सोमबार सय प्रतिशत पुग्ने आशा व्यक्त गरेका हुन् ।

प्रधानमन्त्री प्रचण्डलाई नेपाली कांग्रेस, एकीकृत समाजवादी र राष्ट्रिय स्वतन्त्र पार्टी (रास्वपा), लोकतान्त्रिक समाजवादी पार्टी (लोसपा)ले विश्वासको मत दिने औपचारिक निर्णय गरिसकेका छन् ।