बौद्धदर्शन र सञ्चार अनुसन्धानात्मक कृतिको परिचर्चा कार्यक्रम

बुटवल । लुम्बिनी वाङ्मय प्रतिष्ठान रुपन्देही र समृद्धि सरोकार केन्द्र बुटवलको आयोजनामा वरिष्ठ पत्रकार तथा अधिवक्ता डा. बालकृष्ण चापागाईंद्वारा लिखित ‘बौद्धदर्शन र सञ्चार’ अनुसन्धानात्मक कृतिको परिचर्चा कार्यक्रम सोमबार बुटवलमा सम्पन्न भएको छ ।

कार्यक्रममा वरिष्ठ साहित्यकार, लेखक तथा पत्रकारहरुको उल्लेख्य सहभागितामा डा. बालकृष्ण चापागाईंले ‘बौद्धदर्शन र सञ्चार’ पुस्तकको बारेमा प्रकाश पारेका थिए ।

उक्त पुस्तकको समीक्षा डा. बाबुराम ज्ञवाली, लुम्बिनी वाङ्मय प्रतिष्ठानका अध्यक्ष पुरुषोत्तम पाण्डेयलगायतले गरेका थिए ।

त्यस्तैगरी अधिवक्ता तेजप्रसाद कंडेल, संविधानसभा सदस्य नेत्रप्रसाद पन्थी, साहित्यकार जंगबहादुर शाह,नेपाल पत्रकार महासंघ रुपन्देहीका अध्यक्ष रामराज पोखरेल, नेकपा माओवादी केन्द्रका नेता शरद ओली, साहित्यकार तथा लेखक देवेन्द्रराज शाक्य, रामप्रसाद भट्टराई, शिक्षाविद् लव कुमार जोशीलगायतले बोल्दै डा.बालकृष्ण चापागाईले लेख्नु भएको कृति ’बौद्धदर्शन र सञ्चार’ कृतिको परिचर्चा गर्दै यसको महत्वको बारेमा बालेका थिए ।

उक्त कार्यक्रममा राष्ट्रिय समाचार समिति लुम्बिनी प्रदेशका कार्यालय प्रमुख भरत केसी, सञ्चारिका समूह लुम्बिनी प्रदेशका महासचिव निरु गौतम, नेपाल पत्रकार महासंघ रुपन्देहीका सचिव विनोद परियारलगायतका पत्रकार तिथा सञ्चारकर्मीहरुको सहभागिता रहेको थियो ।