काठमाडौँ । बैंक तथा वित्तीय संस्थाले वैशाख महिनादेखि लागु हुने गरि नयाँ ब्याजदर सार्वजनिक गरेका छन् ।
बुधबार बसेको बैंकर्स संघको निर्णय आज पत्रकार सम्मेलन गरेर सार्वजनिक गर्दै वैशाख महिनाका लागि ब्याज दर एकल अंकमा झारिएको छ ।
नयाँ ब्याजदरअनुसार निक्षेपको अधिकतम ब्याजदर ९.९९ प्रतिशत, संस्थागत निक्षेपमा ७.९९ प्रतिशत कायम गरिएको छ ।
वैशाखबाट बैंक तथा वित्तीय संस्थाले साधारण बचतमा न्यूनतम ५.४ प्रतिशतदेखि ७.४ प्रतिशत ब्याजदर मात्र प्रदान गर्ने भएका छन् । निक्षेपको ब्याजदर घटाइएकाले अब कर्जाको ब्याजदर समेत केही प्रतिशत घट्नेछ ।
वाणिज्य बैंकहरुले चैत महिनाका लागि मुद्दती निक्षेपमा अधिकतम ११ प्रतिशत ब्याजदर प्रदान गरिरहेका थिए भने संस्थागत निक्षेपमा ९ प्रतिशत ब्याजदर प्रदान गर्दै आएका थिए ।
नयाँ ब्याजदर शुक्रबार अर्थात् भोलि वैशाख १ गतेबाट कार्यान्वयनमा जानेछ ।
प्रतिक्रिया