काठमाडौं । ललितपुरमा फेरि अर्का एक जना कोरोना संक्रमितको मृत्यु भएको छ । ललितपुरको स्टार अस्पतालमा उपचाररत् रौतहटका एक पुरुषको मृत्यु भएको हो ।
गएराति मृत्यु भएका रौतहटका २९ वर्षीय पुरुषलाई दमको समस्या रहेको थियो । सिरियर अवस्थामा रहेका उनको उपचारका लागि भेन्टिलेटरमा राखिएको केही बेरमै मृत्यु भएको थियो ।
पीसीआर रिपोर्ट पोजेटिभ आएको ललितपुर स्वास्थ्य कार्यालयले जनाएको छ ।
यसअघि पाटन अस्पतालमा अर्का एक कोरोना संक्रमितको मृत्यु भएको थियो । ललितपुरको महालक्ष्मीस्थान बस्ने चितवन घर भएका ती पुरुषको केही दिनअघि मृत्यु भएको थियो । यससँगै नेपालमा कोरोना भाइरसबाट मृत्यु हुनेको संख्या २९ पुगेको छ ।
प्रतिक्रिया