काठमाडौं । नवनियुक्त परराष्ट्रमन्त्री नारायणप्रसाद (एनपी) साउदले पद तथा गोपनीयताको शपथग्रहण गरेका छन् ।
आइतबार शीतल निवासमा आयोजित कार्यक्रममा राष्ट्रपति रामचन्द्र पौडेलले साउदलाई शपथ दिलाएका हुन् ।
कांग्रेस सभापति शेरबहादुर देउवाले सिफारिस गरेपछि प्रधानमन्त्री पुष्पकमल दाहाल प्रचण्डले साउदलाई आइतबार मन्त्रीमा नियुक्त गरेका थिए ।
साउद कञ्चनपुर क्षेत्र नं। २ बाट निर्वाचित सांसद हुन् । देउवा निकट उनी यसअघि सिँचाइमन्त्रीसमेत बनेका थिए ।
कांग्रेसभित्र गुट विवादका कारण आठ मन्त्रीमध्ये यसअघि चारजनाले मात्र सपथ लिएका थिए । साउद पाँचौं मन्त्री हुन् । प्रधानमन्त्री प्रचण्डले भारत भ्रमणको तयारी गर्दैगर्दा परराष्ट्र मन्त्रालयलेले नेतृत्व पाएको हो ।
प्रतिक्रिया