नेपालगन्ज । नेपालगञ्जमा दुईदिने फोटो फेस्टिवल शुरु भएको छ । अन्तरालको आयोजनामा सुरु भएको फोटो फेस्टिवलको प्रतिनिधि सभाका सदस्य तथा नेपाल काँग्रेसका सहमहामन्त्री किशोर सिंह राठौरले फोटो खिचेर उदघाटन गरेका छन् ।
आयोजक अन्तरालका अनुसार विभिन्न विधामा छनौट भएका १ सय १५ वटा फोटो प्रदर्शनीमा राखिएका छन् । देशभरीबाट प्राप्त भएका करिव २ हजार फोटो मध्येबाट छनौटमा परेका फोटोमात्र प्रदर्शनीमा राखिएको आयोजक अन्तरालmका कार्यकारी निर्देशक जयनारायण शाहले जानकारी दिए ।
प्रदर्शनीमा प्राप्त फोटोहरु कला संस्कृति, जीवन शैली, कृषि, धार्मिक, वाईल्डलाईफलगायतको ९ वटा विधामा उत्कृष्ठलाई ५ हजार ५ सयका दरले पुरस्कार तथा फोटो अफ दि इयरलाई २५ हजार ५ सय पुरस्कार समेतको व्यवस्था गरिएको छ ।
मुगुका राजबहादुर शाहीको स्याउ टिप्दै गरेकी महिलाको फोटोले यसवर्षको फोटो अफ दि इयरको उपाधी जित्न सफल भएको छ । फेस्टिवल शनिबारसम्म सञ्चालन हुने छ ।
प्रतिक्रिया