इस्लामावाद । पाकिस्तानका विदेशमन्त्री बिलावल भुट्टो जर्दारीले भारतको गोवामा हुन लागेको सांघाई सहयोग संगठनको विदेशमन्त्री परिषद्को बैठकमा भाग लिन लागेका छन् । भुट्टोले पाकिस्तानी प्रतिनिधिमण्डलको नेतृत्व गर्दै गोवा पुगेका छन् ।
भारतीय विदेशमन्त्री एवं एससीओका वर्तमान अध्यक्ष भारतका विदेशमन्त्री डा. एस जयशंकरको निमन्त्रणामा भुट्टो एससीओ विदेशमन्त्री परिषद्को बैठकमा सहभागी हुन लागेका हुुन् । ‘बैठकमा हाम्रो सहभागिताले एससीओ बडापत्र र यसका प्रक्रियाहरूप्रति पाकिस्तानको प्रतिबद्धता र पाकिस्तानले आफ्नो विदेश नीति प्राथमिकताहरूमा क्षेत्रलाई दिएको महत्त्वलाई झल्काउँछ’ पाकिस्तानी विदेश मन्त्रालयले जनाएको छ ।
यसअघि गत वर्ष जुलाईमा तास्कन्दमा भएको विदेशमन्त्री परिषद्को अन्तिम बैठकमा पनि परराष्ट्रमन्त्री भुट्टो सहभागी भएका थिए ।
प्रतिक्रिया