काठमाडौं । चीनमा रहेका नेपालीलाई लिन हिमालय एयरलाइन्सको जहाज असार २४ गते थेनचीन जानेभएको छ ।
कोरना भाइरसको महामारीका कारण विश्वभर हवाई उडान प्रतिबन्ध लागेपछि चीनको थेयनचिनमा रहेका नेपाली नागरिकलाई ल्याउन हिमालय एयरलाइन्सको जहाज असार २४ अर्थात जुलाई ८मा त्यहा जाने भएको हो ।
सो जहाजले जुलाई ९ मा थेयनचिनबाट नेपाली लिएर स्वदेश फर्कने छ ।
हिमालय एयरलाइन्सको एच ९–७६०१ जहाज जुलाई ८मा ११ः५० बजे काठमाडौंबाट उडी जुलाई ९ तारिकको बिहान ८ः५०मा थेयनचिन अवतरण गर्नेछ ।
सोही दिन बिहान नेपाली समय अनुसार ६ः३५ मा उडेको जहाज १२ः३० बजे काठमाडौं अवतरण गर्ने हिमालय एयरलाइन्सले जनाएको छ ।
एयरलाइन्सले थेयनचिन देखि काठमाडौंसम्मको भाडादर ६ सय ९९ अमेरिकी डलर तोकेको छ ।
उक्त उडानमा नेपाल फर्कन चाहनेले टिकटको लागि बिहान १० बजेदेखि ५ बजेसम्म एयरलाइन्सले तोकेको स्थान र व्यक्तिलाई सम्पर्क गर्न सक्नेछन्।
हिमालय एयरलाइन्सले विश्वभर कोरोना महामारीका कारण विभिन्न मुलुकमा अलपत्र नेपाली नागरिकको उद्धार गरी नेपाल ल्याउन चार्टर्ड उडान गरिरहेको छ ।
यस्तो छ एयरलाइन्सको उडान तालिका
प्रतिक्रिया