जापान । मलेशियामा भिसा सकिएर देश फर्कन नपाएका बिभिन्न ७ नेपालीको फिर्तीका निम्ति जनउद्धार केन्द्र मलेशिया र घुम्टे युवा परिवार जापान शाखाको पहलमा उद्वार गरी स्वदेश फर्काएको छ ।
हिमालयन एअरलाइन्सको फ्लाइटमार्फत स्वदेश फर्कनेहरुमा सप्तरीका अनिल कुमार रजक र श्याम सुन्दर सदा , गुल्मीका गंगाबहादुर बस्नेत, बाँकेका गिरिजाप्रसाद महतो, राकेश यादब र राजुनाथ योगी र संखुवासभाका राजेन्द्र बहादुर सिंङ रहेका छन् ।
जनउद्धार केन्द्रका अध्यक्ष केशु थापाको संयोजनमा मलेशियाका विभिन्न जेल तथा घरफिर्ती केन्द्रमा निरन्तर भेटसम्पर्क पछि आर्थिक अभाव झेलिरहेका ७ जन युवालाई मातृभुमी फर्काउन सकिएको हो ।
सो काममा जनउद्धार केन्द्रका उपाध्यक्ष रुपबहादुर टन्डनको आर्थिक संयोजनमा जापान स्थित घुम्टे युवा परिवार गलकोट जापान शाखाले टिकटका लागि आर्थिक सहयोग गरेको थियो ।
जेलमुक्त गरी स्वदेश फिर्तीका निम्ति सहयोगी हुन पाएको समाजले खुसी व्यक्त गरेको छ ।
प्रतिक्रिया