काठमाडौं । सर्वोच्च अदालतको प्रधानन्यायाधीशमा सिफारिस भएका हरिकृष्ण कार्की विरुद्ध १० दिनभित्र उजुरी आह्वान भएको छ ।
संसदीय सुनुवाइ विशेष समितिको आज बसको बैठकले कार्की विरुद्ध उजुरी आह्वान गरेको हो । यो निर्णयसँगै सर्वोच्च अदालतको प्रधानन्यायाधीश नियुक्ति प्रक्रियाले थप फड्को मारेको छ । सर्वोच्चका कार्यबहाक प्रधानन्यायाधीश कार्कीलाई गत वैशाख २५ गते बसेको संवैधानिक परिषद् बैठक प्रधानन्यायाधीशमा नियुक्तिको सिफारिस गरेको थियो ।
संसदीय समितिले उजुरी आह्वान सूचनालाई गोरखापत्रमा प्रकाशित गर्ने र नेपाल टेलिभिजनबाट प्रसारण गर्ने निर्णइ गरेको छ । कार्कीविरुद्ध लिखित रूपमा पत्रमार्फत वा इमेलमार्फत उजुरी दिन सकिने छ । उजुरीकर्ताको परिचय उनीहरूको गोप्य राख्ने निर्णय पनि भएको छ ।
जेष्ठ सदस्य राप्रपा सांसद पशुपति शमशेर जबराको अध्यक्षतामा आज समितिको बैठक बसेको हो ।
प्रतिक्रिया