पाकिस्तानका प्रधानमन्त्री इमरान खानले कराँची स्टक एक्सचेन्च हमलाको दोष भारतलाई लगाएका छन् ।
गत सोमबार (२९ जुन)मा पाकिस्तानको आर्थिक शहर कराँचीस्थित कराँची स्कट एक्सचेन्ज भवनमा चार बन्दुकधारीले अन्धधुन्ध हमला गरेका थिए ।
पाकिस्तानी सुरक्षाकर्मीले प्रत्याक्रमण गरी बन्दुकधारीको हत्या त गरेका थिए तर भिडन्तमा दुई सुरक्षा गार्ड र एक पुलिस सबइन्पेक्टरको पनि मृत्यु भएको थियो ।
सो हमलाको जिम्मेवारी पाकिस्तानको बलुचिस्तान प्रान्तमा सक्रिय चरमपन्थी पृथकतावादी गुट बलुलिचस्तान लिवरेसन आर्मी (बीएलए)ले लिएको थियो ।
पाकिस्तानी अखबार जंगका अनुसार हमलाको अघिल्लो दिन पाकिस्तानी संसदमा बोल्दै प्रधानमन्त्री इमरान खानले सो हमला भारतले गराएको कुनै शंका नभएको बताएका थिए । प्रधानमन्त्री खानले पाकिस्तानलाई अस्थिर बनाउनका लागि षड्यन्त्र गरिएको दाबीग रेका थिए ।
बलुचिस्तान लिवरेशन आर्मी बीएलएको भारतसँग सम्बन्ध रहेको पाकिस्तानले दाबी गर्दै आएको छ ।
बीबीसीमा लेखिए अनुसार पाकिस्तानी पत्रिका जंगले बीएलए चीन पाकिस्तान इकोनोमिक कोरिडोर (सीपेक) उद्घाटन पछि भारत बलुचिस्तानमा सक्रिय भएको जनाएको छ र त्यहाँ सक्रिय चरमपन्थी लडाकु संगठनहरुमार्फत विभिन्न हमलाहरु गर्ने गरेको छ ।
भारतीय प्रधानमन्त्री नरेन्द्र मोदी स्वयंले बलुचिस्तानका चरमपन्थी संगनललाई मद्दत गरेको स्वीकार गरेको पनि जंगले दाबी गरेको छ ।
त्यसो त, भारतीय प्रधानमन्त्री नरेन्द्र मोदीले सन् २०१६ को भारतीय स्वतन्त्रता दिवसको उपलक्ष्यमा दिल्लीको लाल किल्लाबाट गरेको भाषणमा बलुचिस्तानको विषयमा निकै शब्द खर्चिएका थिए ।
भारतीय सरकारी टेलिभिजन च्यानल दुरदर्शनले त्यसको केही दिन पनि २७ अगष्टमा बलुच नेता ब्रम्हादाग खान बुग्तीको अन्तर्वार्ता प्रसारण गरेको थियो । अन्तर्वार्ता लिनैका लागि दुरदर्शनको टिम स्वीजरल्याण्डको जेनेभा पुगेको थियो ।
पाकिस्तानले मोदीको भाषणबाट बलुचिस्तानमा चरमपन्थीहरुको मद्दत गरेको बताउँदै आएको छ । यद्यपी, भारतले पाकिस्तानको यो आरोपलाई अस्वीकार गर्नेगरेको छ ।
प्रतिक्रिया