विराटनगर । जनता समाजवादी पार्टी जसपा कोशी प्रदेश सरकारबाट बाहिरिएको छ । जसपा सरकारबाट बाहिरिएसँगै समर्थन समेत फिर्ता लिएको छ ।
इटहरीमा बसेको जसपाको प्रदेश कमिटी बैठकले सरकारमा रहेका आफ्ना मन्त्रीलाई फिर्ता बलाउने निर्णय गरेको हो । कोशी प्रदेशमा जसपाको तर्फबाट स्वास्थ्यमन्त्री निर्मला लिम्बु रहेकी थिइन ।
एमाले नेता हिक्मत कार्की नेतृत्वमा गत पुस २४ मा बनेको प्रदेश सरकारमा जसपा सहभागी भएको थियो।
जसपासँगै माओवादी केन्द्रले पनि सरकारबाट बाहिरिने विषयमा छलफल सुरु गरेको छ । सत्ता गठबन्धनको दल नेपाली कांंग्रेसले माओवादी र जसपालाई प्रदेशसरकारबाट बाहिरिन बारम्बार आग्रह गर्दै आएको थियो ।
प्रतिक्रिया