काठमाडौं । बाँकेमा भारत सरकारको सहयोगमा निर्माण गरिएको नेपालगन्ज सुख्खा बन्दरगाहको उद्घाटन गरिएको छ । भारत सरकारको सहयोगमा निर्माण गरिएको व्यापार पूर्वाधार (सुख्खा बन्दरगाहा) को बिहीबार नेपालका प्रधानमन्त्री पुष्पकमल दाहाल प्रचण्ड र भारतीय समकक्षी नरेन्द्र मोदीले संयुक्त रुपमा उद्घाटन गरेका हुन् ।
दुई देशका प्रधानमन्त्रीले दिल्लीबाट भर्चुअल उद्घाटनको घोषणा गरेसँगै भारततर्फबाट नेपाल आएका २ वटा कन्टेनर नेपाली सुख्खा बन्खाबन्दरगाह प्रवेश गरेका छन् ।
नेपाल भित्रिएका कन्टेनरलाई सुख्खा बन्दगाहको सञ्चालन तथा व्यवस्थापन गर्न स्थापना गरिएको कार्यालय नेपाल इन्टरमोडल यातायात विकास समितिका अधिकारीहरुले स्वागत गरेका थिए ।
करिब १५ वर्ष अघि देखि भारत सरकारको सहयोगमा निर्माणाधिन सुख्खा बन्दरगाह आजबाट सञ्चालनमा आएको समितिका कार्यकारी निर्देशक आशिष गजुरेलले बताए ।
प्रतिक्रिया