बुटवल । बुटवल देवीनगरमा अज्ञात ब्यक्तिको कुटपिटबाट मृत्यु भएको छ । नाम नखुलेको एकजना ब्यक्तिको आज बिहान कुटपिटबाट मृत्यु भएको हो । आज अपरामन्ह मृत अवस्थामा शव फेला परेको ती व्यक्तिको स्थानीय २ जनाको कुटपिटबाट मृत्यु भएको बताइएको छ ।
शव बरामद गरेर अनुसन्धान गरिरहेको प्रहरीले कुटपिट गरेको आरोपमा एक नाबालिक सहित २ जनालाई पक्राउ गरेको छ । पक्राउ पर्नेमा एकजना नाबालक र अर्का स्थानीय देवीनगरका स्थानीय ३१ वर्षीय गणेश थापा रहेका छन् । प्रत्यक्षदर्शीको बयानका आधारमा १ नाबालक सहित २ जनालाई पक्राउ गरिएको वडा प्रहरी कार्यालय तामनगरका प्रहरी निरीक्षक अर्जुन पौडेलले बताए ।
आज अपरान्ह पुरानो ड्राइभिङ प्रयोगात्मक परीक्षा लिने स्थानको पछाडी शव फेला परेपछि स्थानीयबासीले प्रहरीलाई खबर गरेका थिए । शवको सनाखत भइनसकेको प्रहरीले जनाएको छ ।
प्रतिक्रिया