बुटवल । लुम्बिनी प्रदेशसभाका सभामुख तुलाराम घर्ती मगरले प्रदेशसभालाई अझै स्वायत्त र सबल बनाउनुपर्ने आवश्यकता रहेको औल्याएका छन । ६५ औँ संसद् दिवसको अवसरमा शनिबार शुभकामना सन्देश जारी गर्दै उनले यस्तो आवश्यकता औल्याएका हुन ।
‘संसद्को गरिमा र आवश्यकताको महत्व बोध गरी शक्ति पृथकीकरणको संसदीय शिद्धान्त अनुरुप विधायिकाको समेत कार्य गर्ने प्रदेशसभालाई अझै स्वायत्त र सबल बनाउनुपर्ने आवश्यकता खड्किएको छ । उनले शुभकामना सन्देशमा उल्लेख गरेका छन । बदलिदो परिस्थितीको वर्तमान परिपेक्षमा संसद्को गरिमा र भूमिका अझै बढोत्तरी रहेको उनले सन्देशमा उल्लेख गरेका छन ।
सभामुख घर्तीले नेपालको राजनीतिक परिपेक्ष्यमा यसको छुट्टै गरिमा र महत्व रहेको जनाउनु संसदको गरिमालाई बचाउदै जनताको समस्यालाई मुखरीत गरी प्रदेशसभाप्रति विश्वास दिलाउन सकिने जनाएका छन ।
शुभकामना सन्देशमा सभामुख घर्तीले जनप्रतिनिधिको रुपमा जिम्मेवारीका साथ सत्तापक्ष र प्रतिपक्ष सबै सांसदले संसदीय अनुशासन र मर्यादा कायम गरी कानून अनुसार संसदलाई मर्यादित, व्यवस्थित र अनुशासित बनाई जनताका मुद्दालाई सम्बोधन गर्न समेत सक्नु पर्ने उल्लेख गरेका छन ।
‘संसद दिवसले जनपक्षीय कानुन बनाउदै जनताप्रति उत्तरदायी र जवाफदेही बन्न प्रेरणा प्रदान गर्ने छ भन्ने अपेक्षा सहित पुनः शुभकामना व्यक्त गर्दछु । उनले जारी गरेको शुभकामना सन्देशमा उल्लेख छ ।
प्रतिक्रिया