काठमाडौं । सोलुखुम्बुको सुर्केबाट काठमाडौंका लागि उडेको नाइनएनए–एमभी कलसाइन भएको मनाङ एयरको हेलिकप्टर दुर्घटना हुँदा ६ जनाको मृत्यु भएको छ । मंगलबार विहानदेखि सम्पर्कविहीन भएको मनाङ एयरको हेलिकप्टर दुर्घटनाग्रस्त भएको हो ।
दुर्घटनामा परेर पाँच जना मेक्सिकन नागरिक र पाइलट सीबी गुरुङको मृत्यु भएको छ । मृतक सबैको शव क्षतविक्षत अवस्थामा फेला परेको सोलुखुम्बुका प्रमुख जिल्ला अधिकारी बसन्त भट्टराईले बताएका छन् । मृतक सबैको शव काठमाडौं ल्याउने तयारी भैरहेको छ ।
सोलुखुम्बुको सुर्केबाट काठमाडौंका लागि उडेको नाइनएनए–एमभी कलसाइन भएको हेलिकप्टर लिखुपिके गाउँपालिका–५को भकान्जेस्थित लामजुराको च्यानडाँडामा दुर्घटना भएको थियो ।
मृतकमध्ये दुईजना पुरुष र तीन जना महिला रहेका छन् । यात्रुहरूमा फर्नान्डो सिफुग्नेट्स, रिनकन इसमाइल, एबरिका गोन्जालेक्स, ओलासियो गोन्जालेज र मारिया होजे सिफुन्तेस छन् ।
उनीहरू सोमबार लुक्ला पुगेका थिए । एक रात त्यहाँ बसेर आज काठमाडौं फर्किँदै थिए ।
प्रतिक्रिया