काठमाडौं । पाकिस्तानी सेनाको गोलीबाट भारत प्रशासित कस्मिरमा फेरि अर्का एकजना नेपालीको मृत्यु भएको छ ।
कस्मिरको रजौरेस्थित नौसेरा क्षेत्रमा पाकिस्तानी सेनाले गोलावारी गर्दा भारतीय सेनामा कार्यरत सम्बर गुरुङ नाम गरेका नेपालीको मृत्यु भएको छ । बिहीबार राति भएको गोलाबारीमा गुरुङको मृत्यु भएको हो । उनी गुल्मी निवासी भएको बताइएको छ ।
भारतीय सेनाले पाकिस्तानसँगको अति संवेदनशील सीमा क्षेत्र लाइन अफ कन्ट्रोल एलओसीको फ्रन्टलाइनमा गोर्खा फौज तैनाथ गर्नेगर्छ । जहाँ भारतीय सेनामा कार्यरत नेपाली नागरिकहरु हुनेगर्छन् ।
एलओसीमा भारत र पाकिस्तानले बारम्बार युद्धबिरामको उल्लंघन गर्छन् ।
प्रतिक्रिया