बुटवलबाट ९ गते हराएको मोटरसाइकल १० गते प्रहरीले भेटायो, चोर भने भेटाएन

बुटवल । इलाका प्रहरी कार्यालय बुटवलले गत साउन १० गते बुटवल १ निम चोकबाट हराएको मोटरसाईकल फेलापारि मोटरसाइकल धनीलाई हस्तान्तरण गरेको छ । साउन ९ गते निमचोक अगाडी पार्किङ गरेर राखेको अवस्थामा हराएको मोटरसाइकल हराएको भोलिपल्टै प्रहरीले फेला पारेर सवारीधनीलाई बुझाइदिएको हो ।

पीडितको उजुरीको आधारमा खोजी गर्ने क्रममा प्रहरी चौकी जितगढीको टोलीले जितगढीको उजिरर्सिंह माबी अगाडीबाट मोटरसाइकल फेला पारेको प्रहरीले जनाएको छ । मोटरसाइकल धनी ओम प्रकाश रेश्मीले आफ्नो लु २० प ७६८८ नम्बरको मोटरसाईकल हराएको निवेदन प्रहरीमा दिएका थिए ।

बेवारिसे अवस्थामा स्कुल अगाडी मोटरसाईकल फेला परेको इलाका प्रहरी कार्यालय बुटवलले जनाएको छ । बुटवल प्रहरीले पछिल्लो समय मोटरसाइकल चार्ने गिरोह बिरुद्ध अप्रेशन चलाएपछि हराएका मोटरसाइकल र चोरी कार्यमा संलग्नहरु धमाधम पक्राउ पर्न थालेका छन् ।