काठमाडौं । राष्ट्रिय मान्यताप्राप्त दलहरुबीच सुन तस्करीका विषयमा छानविन गर्न जाँचबुझ आयोग गठन गर्ने सहमति भएको छ ।
बुधबार बसेको बैठकमा सुन तस्करीको छानबिन गर्न आयोग गठन गर्ने दुई बुँदे सहमति भएको हो । बैठकले नेपाल प्रहरीको केन्द्रीय अनुसन्धान ब्युरोले गरिरहेको सुन तसकरी प्रकरणमा सीआईबीले गरिरहेको अनुसन्धान पुरा गरि सीआईबीले नै अभियोजन गर्ने समेत निर्णय गरेको छ ।
बैठकले विदेशबाट इलेक्ट्रिक सिगरेटमा सुन राखी अवैध पैठारी (तस्करी) गरिएको तथा गत श्रावण २ गते ब्रेक(समा राखी अवैध पैठारी (तस्करी) गरिएको सुन सहित लगायत पटक पटक सुन तस्करी भई मुलुक भित्र आइरहेको विषयलाई गम्भीरतापूर्वक लिई स्वतन्त्र र निष्पक्ष छानविन गर्न यसअघि भएका छानविन अनुसन्धान बारे समेत अध्ययन गरी सुझाव सहितको प्रतिवेदन पेश गर्न जाँचबुझ आयोग गठन गर्ने निर्णय गरेको छ ।
जाँचबुझ आयोग ऐन, २०२६ बमोजिम आगामी असोज ५ गते सरकारले आयोग गठन गरी त्यसै दिनदेखि आयोगले कार्य प्रारम्भ गर्नेसमेत बैठकले निर्णय गरेको छ ।
योसँगै माओवादी नेता कृष्णबहादुर महराको नाम जोडिएको इलेक्ट्रिक चुरोमा सुन राखी अवैध पैठारी गरिएको घटनामा पनि छानबिन हुने भएको छ ।
प्रतिक्रिया