नेपालगन्ज । लकडाउनका बेला गैर कानुनी रुपमा कारोबार गर्ने बाँकेर दाङका व्यवसायीबाट सयुक्त बजार अनुगमन टोलिले २७ लाख जरिवाना असुल गरेको छ । अनुगमन टोलीले बाँकेका ३० र दाङका ३ उद्योग तथा ब्यवसायीक फर्महरुबाट सो रकम बराबरको जरिवना असुल गरेको हो ।
आर्थिक वर्ष २०७६/०७७ मा गरिएको ५७४ अनुगमन मध्ये बाँकेमा ३० र दाङ्गको ३ फर्मलाई कारबाही गरिएको बाणिज्य आपुर्ति तथा उपभोक्ता संरक्षण कार्यालय नेपालगन्जका निमित्त प्रमुख कृष्ण प्रसाद पौड्यालले जानकारी दिएका छन् ।
अनुगमनको क्रममा सामान्य अवस्थामा रहेका ३२० फार्म रहेको र सामान्य त्रुटि भेटिएका २०५ वटा पसल तथा फार्मलाई तत्काल सुधार गराइएको पौड्यालले बताए ।
बाँके र दाङमा कारवाही गरिएको पसलहरुबाट २२ लाख ८० हजार जरिवाना तिराइएको छ । दाङ्गको ३ पसललाई ४ लाख २० हजार तिराइएको र बाँकी बाँकेबाट असुल गरिएको बाणिज्य आपुर्ति तथा उपभोक्ता संरक्षण कार्यालय नेपालगन्जले जनाएको छ ।
म्याद सकिएको वा खान प्रयोग गर्न अयोग्य सामान ५ लाख ३० हजार ५५ रुपैया बराबरको नष्ट अथवा फिर्ता गर्न निर्देशन दिइएको कार्यालयले जनाएको छ । अनुगमन टोलीले २ वटा पानि उद्योगलाई कारोबार रोक्का गर्न निर्देशन दिएको जनाएको छ ।
अनुगमन टोलीले लकडाउनको अवधिमा मात्रै ९चैत्र ११ गते देखि जेष्ठ मसान्त सम्म० ११८ वटा फर्महरुको अनुगमन गरेको छ ।
जसमा १५ वटा फर्मलाई कालोबजारी तथा म्याद नाघेका बस्तु विक्रि गरेको कसुरमा १५ लाख रुपैया जरिवाना गरिएको निमित्त प्रमुख पौड्यालले जानकारी दिई ।
घटनास्थलमा नै कसुर प्रमाणित भई जरिवाना तिराईएपनि अनुगमन टोलीले कसैमाथि मुद्दा भने चलाएको छैन ।
जरिवाना तोकेको म्याद भित्र पुनराबेदन गर्ने अधिकार फर्महरुलाई भएपनि कसैले पुनराबेदन नगरेको पौड्यालले बताए ।
प्रतिक्रिया