बुटवल । गएराति बुटवलमा मोटरसाइकल दुर्घटना हुँदा एक जनाको मृत्यु भएको छ । दुर्घटनामा तिलोत्तमा नगरपालिका-१ शंकरनगर बस्ने २६ वर्षीय गोबिन्द ढकालको मृत्यु भएको इलाका प्रहरी कार्यालयका डिएसपी दानबहादुर थापाले जानकारी दिए ।
लु ४९ प ४४४ नम्बरको मोटरसाइकल बुटवल उपमहानगरपालिका-११ कालिकानगरस्थित सडकमा अनियन्त्रित भई सोमबार राति विद्युतको पोलमा ठोक्किएर दुर्घटना भएको थियो ।
सो दुर्घटनामा परी गम्भीर घाइते भएका ढकालको लुम्बिनी प्रादेशिक अस्पताल बुटवलमा उपचारको क्रममा मृत्यु थापाले बताए ।
साथै दुर्घटनामा घाइते भएका मोटरसाइकलमा सवार अन्य १ जनाको चौराह हस्पिटलमा उपचार भइरहेको थापाले जानकारी दिए ।
प्रतिक्रिया