विराटनगर । नेपाली कांग्रेसको कोशी कार्यसम्पादन समितिले केदार कार्कीलाई कोशीको मुख्यमन्त्रीमा गरेको दाबी फिर्ता लिन अनुरोध गरेको छ ।
शुक्रबार बसेको प्रदेश कार्यसम्पादन समितिको बैठकले कार्कीलाई मुख्यमन्त्रीबाट दाबी फिर्ता लिन र उनलाई समर्थन गरेका अन्य सात सांसदलाई आफ्नो हस्ताक्षर फिर्ता लिन अनुरोध गरेको हो ।
बैठकले पार्टीलाई एकतावद्द बनाउन कोशी संसदीय दललाई अनुरोध समेत गरेको छ । यस्तै पार्टी केन्द्रले थप केही निर्देशन दिए त्यसमा निर्णय गर्ने अधिकार प्रदेश पदाधिकारीलाई दिने निर्णय पनि गरेको छ ।
बैठकले पार्टीलाई एकतावद्ध बनाउन र अनुशासन पालना गर्न सबैलाई आग्रह गरेको छ ।
कांग्रेसले कोशीको मुख्यमन्त्रीमा माओवादी संसदीय दलका नेता इन्द्र आङ्बोलाई समर्थन गर्ने निर्णय गरेसँगै शेखर कोइराला पक्षधर कार्कीले एमालेको समर्थनमा मुख्यमन्त्रीमा दाबी पेश गरेका थिए । उनको पक्षमा कांग्रेसका ८ जना सांसद रहेका छन् ।
संविधानको धारा १६८को उपधारा ५ अनुसार सरकार बनाउन सांसदहरु स्वतन्त्र रहेको र ह्वीप नलाग्ने भन्दै उनीहरुले एमालेको समर्थनमा सरकार बनाउन पार्टी केन्द्रको निर्देशन विपरित अघि बढेका हुन् ।
प्रतिक्रिया