प्युठान । विगत ४ दिनदेखि हराइरहेका प्युठान नौबहिनी गाउँपालिका–३ खवाङमा आमाछोरा मृत अवस्थामा फेला परेका छन् । आमाछोराको शव फरफरक समयमा फेला परेको प्युठान प्रहरीले जनाएको छ ।
प्रहरीका अनुसार स्थानीय २२ वर्षीया रीमा बुढामगरको शव शुक्रबार र उनका ३ वर्षीय छोरा मुस्कान बुढामगरको शव शनिबार घरदेखि झण्डै १५० मिटर नजिकको भीरमा मृत अवस्थामा फेला परेको हो ।
आमाको शव भेटिएको देखि ४० मिटर टाढा छोराको शव भेटिएको प्रहरीले जनाएको छ । उनीहरु दुबैजना कात्तिक २७ गतेदेखि हराइरहेको सम्बन्धमा उनका छिमेकीले प्रहरीलाई खबर गरेको बताइएको छ ।
घटनास्थलमा जिल्ला प्रहरी कार्यालय प्युठानका प्रमुख ईश्वर थापा नेतृत्वको टोली पुगेर अनुसन्धान गरिरहेको छ ।
प्रतिक्रिया