नेपालगन्ज । बांके प्रहरीले मोटरसाइकल चोरी आरोपमा दुई जनालाई पक्राउ गरेको छ । मोटरसाईकल चोरीको आरोपमा पक्राउ पर्नेमा नेपालगन्ज उपमहानगरपालिका वडा नम्बर ८ का अजयसिंह बाडिया र वडा नम्बर ९ का रमेश भन्ने हरि सुनार रहेका छन् ।
पक्राउ परेकाहरुबाट प्रहरीले नेपालगन्ज उपमहानगरपालिका वडा नम्बर ८ का अतहर हुसेन फारुकीको दुई दिन अघि चोरी भएको मोटरसाइकललाई रंग परिवर्तन गरेको अवस्थामा बरामद गरेको छ । बाँके प्रहरीका अनुसार उनीहरुलाई कारकादोको जनता ग्यारेज अगाडिबाट पक्राउ गरिएको हो ।
पछिल्लो समयमा बाँकेमा लगातार मोटरसाइकल चोरीको घटना बढेपछि प्रहरीको टाउको दुखाईको विषय बनेको छ ।
प्रतिक्रिया