काठमाडौं । सुर्तीजन्य पदार्थ बिक्री वितरणमा रोक लगाउने काठमाडौं महानगरको निर्णय कार्यान्वयन नगर्न पाटन उच्च अदालतले आन्तरिम आदेश दिएको छ ।
उच्च अदालतका न्यायाधीश जनक पाण्डे र ब्रजेश प्याकुरेलको इजलासले मुद्दाको अन्तिम टुंगो नलगेसम्म निर्णय कार्यान्वयन नगर्ने काठमाडौं महानगरलाई आदेश दिएको हो ।
महानगरको १२ मंसिरको निर्णय कार्यान्वयन नगर्न अन्तरिम आदेश दिएको हो ।
काठमाडौं महानगरपालिकाले महानगरभित्र सूर्तीजन्य पदार्थको विक्रि वितरण गर्न मंसिर १२ गते रोक लगाउने निर्णय गरेको थियो । यही मंसिर २७ गतेबाट महानगरले निर्णय कार्यान्वयन गर्न सुरु गरेको थियो । तर महानगरको मंसिर १२ को निर्णय विरुद्ध श्रीराम टोवागो उद्योगले उच्च अदालतमा मुद्दा दायर गरेको थियो ।
अदलतको आदेशमा कानुन बमोजिम सञ्चालन गर्दै आएको उद्योग व्यवसायमा प्रतिकूल असर परी अपुरणीय क्षति हुन सक्ने अवस्था देखिएको उल्लेख गरिएको छ ।
प्रतिक्रिया