कोरोना संक्रमणबाट वीरगन्जमा फेरि दुई जनाको मृत्यु

वीरगञ्ज । कोरोना भाइरसको संक्रमणबाट वीरगन्जमा फेरि दुई जनाको मृत्यु भएको छ ।

बुधबार कोरोना विशेष गण्डक अस्पतालमा बिहान ६८ वर्षीय पुरुषको मृत्यु भएको थियो ।

यसैगरी दिउँसो नेशनल मेडिकल कलेजमा ७१ वर्षीय वृद्धको मृत्यु भएको नारायणी अस्पतालमा मेडिकल सुपरिटेन्डेन्ट डा. मदन उपाध्यायले बताए ।

पखला लागेर सिकिस्त भएका ७१ वर्षीय वृद्ध नेशनल मेडिकल कलेजमा पुगेका थिए ।

उनले गत साउन ११ गते नै पैसा तिरेर पीसीआर परीक्षण गराएको उनको परिवारले बताएका छन् । उनी मिर्गौलाका समेत पीडित थिए ।

यससँगै पर्सामा मात्रै सात जनाको मृत्यु भएको । देशभर ५१ जनाको निधन भएको छ ।