बुटवल । रुपन्देहीको तिलोत्तमा-४ स्थित सिद्धार्थ ईङ्गलिस बोर्डिङ स्कुलले शुक्रबार ‘किड्स डे’ मनाएको छ । नर्सरीदेखि कक्षा ३ सम्म अध्ययन गर्ने विद्यार्थीहरुको प्रतिभा प्रस्फुटन गर्ने लक्ष्यसहित कार्यक्रमको आयोजना गरिएको विद्यालयका सह(प्रचार्य रमेश प्रसाद बस्यालले जानकारी दिए ।
विद्यार्थीलाई सानैबाट सिकाउन सक्यौं भने उनीहरुको सीप क्षमतामा बिकास हुने लक्ष्यसहित साना बालबालिकाहरुको बिभिन्न प्रतिभाहरु कार्यक्रममा प्रस्तुत गरिएको उनले बताए । बालबालिकाहरुको अभिभावक समेत उपस्थिती रहेको कार्यक्रममा विद्यार्थीले कविता, गीत, नृत्य लगायतका प्रतिभा प्रस्तुत गरेका थिए ।
कार्यक्रमको उद्घाटन गर्दै तिलोत्तमा नगरपालिकाका शिक्षा प्रमुख गंगाराम आचार्यले हरेक विद्यार्थीमा कुनै न कुनै प्रतिभा हुने तथा यस्ता कार्यक्रमले उनीहरूको प्रतिभा उजागर गर्ने भन्दै साना बालबालिकाहरूको प्रतिभाको सराहना गरेका थिए । विद्यार्थीको अन्तरनिहित क्षेमता पहिचान गरि सोही अनुसार शैक्षिक गतिविधि सञ्चालन गरेकै कारण विद्यालयले उत्कृष्ट नतिजा प्राप्त गर्दै आएको उल्लेख गरे ।
कार्यक्रमको अवसरमा गत वर्षको वार्षिक परीक्षामा उत्कृष्ट नतिजा प्राप्त गरेका कक्ष नर्सरीदेखि कक्षा ३ सम्मका विद्यार्थीलाई विद्यालय संचालक समितिका सदस्य तथा आजको कार्यक्रमको अध्यक्ष सावित्री नेपाल तथा विद्यालयका प्राचार्य यमबहादुर रानाले पुरस्कार तथा सम्मान पत्र प्रदान गरेका थिए । वार्षिक रुपमा विभिन्न कार्यक्रम गर्दै आएको विद्यालयले बिहिबार जिल्ला स्तरीय अन्तर मावि वक्तृत्वकला प्रतियोगिता सम्पन्न गरेको थियो ।
यसैगरी विद्यालयले सोही कार्यक्रमको अवसरमा गत वर्षको वार्षिक परीक्षामा प्रथम, द्वितीय र तृतीय हुने कक्षा ४ देखि कक्षा १२ सम्मका विद्यार्थीहरुलाई सरस्वती पुजामा पुरस्कार वितरण गरिने शिक्षक शंकर पौडेलले जानकारी दिए । यसका साथै विद्यार्थीहरुले आविस्कार गरेका तथा निर्माण गरेका विभिन्न वस्तुहरु प्रदर्शनीमा राखिएको पौडेलले जानकारी दिए । कार्यक्रमको सञ्चालक शिक्षक मेघराज भट्टराई तथा स-साना बालबालिकाहरूले पनि गरेका थिए ।
प्रतिक्रिया