कांग्रेसमा महाधिवेशनको रौनक सुरु, पार्टीका पदहरु सभापतिको दाईजो नभएको केन्द्रीय सदस्य चन्द्र भण्डारीको टिप्पणी

खबर कुरा
१४ श्रावण २०७७, बुधबार

काठमाडौं । कांग्रेस महाधिवेशनमा सभापतिका दाबेदार शशांक कोईरालाले पार्टीका विभाग विस्तारको काम रोक्न सभापति शेरबहादुर देउवालाई आग्रह गरेका छन । .

पार्टीका महामन्त्री समेत रहेका कोइरालाले महाधिवेशनको मिति ताकेर आचारसंहिता लागु भइसकेको अवस्थामा विभाग गठनको काम अघि बढाउनु विधान विपरित भएको समेत बताएका छन् । नेपाली कांग्रेसको पार्टी कार्यालयमा भेला भएका रामचन्द्र पौडेल समूहका नेता तथा कार्यकर्तालाई सम्बोधन गर्दै महामन्त्री कोईरालाले आगामी महाधिवेशनमा आफु सभापतिको दावेदार भएको बताए । उनले नयाँ मान्छेलाई पार्टी प्रवेश गराउने र पुराना नेताहरुलाई पार्टीबाट निकाल्ने काम भइरहेको भन्दै असन्तुष्टि समेत जनाए ।

महाधिवेशन भएको ४ वर्षम्म विभाग गठन गर्न तयार नभएका सभापति देउवालाई महाधिवेशनको मुखमा किन हतारो भयो भन्दै उनले प्रश्न गरेका थिए ।

केन्द्रीय सदस्य चन्द्र भण्डारीले विधान अनुसार महाधिवेशन भएको ६ महिनाभित्र विभाग गठन गरिसक्नु पर्ने भएपनि विधान विपरित अहिले गठन भइरहेको कुराको विरोध स्वरुप भेला आयोजना गरिएको बताए । यसअघि नै अहिले गठन भएका विभागहरुले वैधानिकता पाउँदैनन भनेर सभापति देउवालाई पत्र पठाइएको उल्लेख गर्दै उनले पार्टीको कुनै पनि पद दाइजो जसरी बाँडेर हिड्ने अधिकार सभापतिलाई नभएको टिप्पणी गरे । कसलाई के पद दिने भन्ने अधिकार केन्द्रीय समितिलाई मात्रै भएको भण्डारीको भनाई छ ।

पार्टीको महाधिवेशन कार्यतालिका तय भइसकेको अवस्थामा विभाग गठन लगायतका काम निर्वाचन आचारसंहिता विपरीत भएको भन्दै पौडेल समूहले विरोध जनाउँदै आएको छ ।

यसमा तपाइको मत

Your email address will not be published. Required fields are marked *


*