बुटवल । बुटवलमा जारी १७ औं मनमोहन स्मृति वडा स्तरिय नकआउट फुटबल प्रतियोगितामा वडा नं ७ फाईनलमा पुग्दै उपाधि दाबेदारी पेश गरेको छ । बुटवल उपमहानगरपालिकाको संरक्षकत्व र राष्ट्रिय युवा संघ नेपाल बुटवल उपमहानगर कमिटिको आयोजनामा मंगलबार भएको पहिलो सेमीफाईनल खेलमा वडा नं ८ लाई ३-० गोल अन्तरले पराजित गर्दै वडा नं ७ फाईनलमा स्थान बनाएको हो ।
सिद्घेश्वरी खेलमैदानमा पहिलो हाफ निक्कै प्रतिस्प्रर्धात्मक भएको थियो । खेलमा ६० औं मिनेटमा वडा नं ७ को मोहन थापाले गोल गर्दै खेलमा टिमलाई अग्रता दिलाए । यसैगरि खेलको ७२ औ र ७७ औ मिनेटमा आशिष राना र अनुप गुरुङले गोल गर्दै टिमको जित सुनिश्चित गरे । खेलमा वडा नं ७ का विशेष राना म्यान अफ दी म्याचबाट पुरस्कृत भए ।
बुधबार दोस्रो सेमीफाईनल खेलमा वडा नं ६ ले वडा नं १७ ले प्रतिस्प्रर्धा गर्ने राष्ट्रिय युवा संघ नेपाल बुटवल उपमहानगर कमिटिका सचिव राजेन्द्र थापाले बताए । प्रप्रतियोगिताको विजेतालाई नगद १ लाख ११ हजार १ सय ११ रुपैया, ट्रफि, मेडल, प्रमाणपत्र, उपविजेता टिमलाई नगद ५५ हजार ५ सय ५५ रुपैया, ट्रफि, मेडल, प्रमाणपत्रबाट पुरस्कृत गरिने छ ।
यसैगरि सर्वोत्कृष्ट खेलाडीलाई नगद ७ हजार ७ सय ७७ रुपैया, कप, मेडल, प्रमाणपत्र, सर्वाधिक गोलकर्ता, उत्कृष्ट गोलकिपर, अनुसासित टिमलाई नगद ४ हजार ४ सय ४४ रुपैया, कप, मेडल, प्रमाणपत्रबाट पुरस्कृत गरिने छ । प्रत्येक दिन म्यान अफ दी म्याचलाई १ हजार रुपैयाबाट पुरस्कृत गरिने छ । खेलमा उपमहानगरका १८ टिमले भाग लिएका छन ।
प्रतिक्रिया