सुनको मूल्य प्रतितोला ९९ हजार पुग्यो

काठमाडौं । नेपालसहित विश्वबजारमा निरन्तर बढीरहेको सुनचाँदीको मूल्यले बिहिबार नयाँ रेकर्ड बनाएको छ । बिहिबार एकैदिन तोलामा पाच सय बढेसंगै सुनको मूल्यले नेपाली बजारमा नयाँ रेकर्ड बनाएको हो ।

बुधबार ९८ हजार ५ सयमा कारोबार भएको छापावाल सुनको मूल्य आज प्रतितोला ९९ हजार रुपैयाँ तोकिएको छ । सुनको यो मूल्य नेपाली बजारमा अहिलेसम्मकै बढी हो ।

त्यस्तै, बिहीबार तेजावी सुनको मूल्य प्रतितोला ९८ हजार ५ सय ६० रुपैयाँ तोकिएको छ । बुधबार तेजावी सुन ९८ हजार ६५ रुपैयाँमा कारोबार भएको थियो । आज चाँदीको मूल्य भने स्थिर रहेको छ ।

आज पनि चाँदी बुधबारकै मूल्य १२ सय २५ रुपैयाँमा कारोबार भइरहेको नेपाल सुनचाँदी महासंघले जनाएको छ ।