काठमाडौं । नेकपा एमालेका अध्यक्ष केपी शर्मा ओलीले आइतबार साँझ पुनः प्रधानमन्त्री पुष्पकमल दाहाल प्रचण्डसँग भेट गरेका छन् ।
संक्रमणकालीन न्यायसम्बन्धी विधेयकका विषयमा छलफल गर्न आइतबार बिहान बालुवाटार पुगेका अध्यक्ष ओली साँझ पनि बालुवाटार पुगेर प्रधानमन्त्रीसँग भेटवार्ता गरेका हुन् । ओलीको साथमा महासचिव शंकर पोखरेल पनि सहभागी भएका छन् ।
राष्ट्रियसभा अध्यक्षको निर्वाचन अगावै सत्तासमीकरणमा समेत फेरबदल हुन लागेको राजनीतिक वृत्तमा चर्चा चलिरहेको छ ।
माओवादी र कांग्रगेसबीच राष्ट्रियसभा अध्यक्षमा अआफ्नो दाबी रहँदा गठबन्धनमै दरार देखिन थालेको अवस्थामा ओली र प्रचण्डबीच भैरहेको तारन्तारको भेटवार्तालाई अर्थपूर्ण रुपमा हेरिएको छ ।
यसैबीच आजै रास्वपा सभापति रवि लामिछानेले पनि आजै साँझ प्रधानमन्त्रीसँग भेट गरेका छन् ।
प्रतिक्रिया