काठमाडौं । प्रधानमन्त्री पुष्पकमल दाहाल प्रचण्डले कांग्रेस एमाले मिलेर सरकार चलाउन चुनौती दिएका छन् । बुधबार प्रतिनिधि सभामा प्रधानमन्त्री पदको विश्वासको मत लिने क्रममा विभिन्न दलका नेताहरुले उठाएको प्रश्नको जवाफ दिँदै उनले एमाले कांग्रेस मिल्दैमा आफ्नो दल नडराउने उल्लेख गर्दै मिलेर सरकार चलाउन चुनौती दिउका हुन् ।
उनले ठुला दुई दल मिलेमास्वभाविक रुपमा माओवादी प्रतिपक्ष दलमा बस्ने बताएका छन् ।
,‘हामी ठुला दल मिलियो भने तेरो हालत के हुन्छ ? हिजोपनि आजपनि भनियो, मेरो त कामना छ तपाईँहरू मिल्नुस् । सबै मिल्नुस् । तपाईँहरू सबै मिल्नुभयो भने नेकपा माओवादी केन्द्र प्रमुख प्रतिपक्षीमा बसेर फेरि देश र जनताको पक्षमा लडिरहन्छ, उनले भने, ‘तपाईँहरूलाई लाग्या छ त्यसो भनेर प्रचण्ड डराउँछ ? नेपाली कांग्रेसको नेता साथीहरुलाई यदि त्यस्तो लागेको छ भने हिजो तपाईँहरू सबै मिलेर मेरो टाउकै काट्न खोज्या हो नि त । डराउँछ माओवादी केन्द्र भन्ठान्नुभाछ ? त्यस्तो हुँदैन ।’
उनले को राजनीतिक दल कोसँग मिल्ने भन्नका लागि स्वतन्त्र रहेको बताए । उनले बिगत गठबन्धनको समिक्षा गर्दै दिन गन्ने काल पर्खने अवस्था आएपछि आफुले जोखिम मोलेको स्पष्ट पारे । “विश्वासको मत दिनुहुन्छ भने दिनुहोस्, नेपाली जनताले देख्ने गरी काम गर्नेछौँ,” प्रधानमन्त्री प्रचण्डले भने, “संविधान र लोकतन्त्र रक्षा हुने गरी काम गर्छौ, त्यसका लागि म दायाँ वा बायाँ जता जानुपरे पनि तयार छु ।”
प्रतिक्रिया